“Tyaag”

Kaagaz ke tukde mujhse kahe,

Kya hai woh jo tu pana chahta hai??

Maine kaha Khushi, Pyaar aur Safalta..!

 

Murjhae hue patte mujhse kahe,

Kya hai woh jo tu dena chahta hai??

Maine kaha Khushiyaan..

 

Pehli baarish ki boonde mujhse kahe,

Kya hai woh jo tu karna chahta hai??

Maine kaha Achhe karm..

 

Toota hua Khwab mujhse kahe,

Kya hai woh jo tu dekhna chata hai??

Maine kaha aise Sapne jinhe main sach kar sakoon..

 

Fir maine inse kaha,

ki kya kami reh gayi aap sab me,

Jo aap nakaam hue??

 

Kaagaz ke tukdo ne kaha,

Logo ko khushi dete-dete hum phat gaye..

Murjhae hue patto ne kaha,

Logo ka pet bharte-bharte hum nasht ho gaye..

Baarish ke boondo ne kaha,

Logo ki pyaas bujhate-bujhate hum beh gaye..

Aur toote hue khwab ne kaha,

Logo ke sapne poore karte-karte hum toot gaye..

 

Jab prakruti kar sakti hai tyaag,

To kyun na hum kare??

Seekh le is Kudrat se jeena,

Tyaag se shuru karein..!!!!!